У рамках праекту "Бацькоўскі ўніверсітэт" 28 кастрычніка адбыўся круглы стол бацькоў з класным кіраўніком 8 класа на тэму “Жыццёвыя мэты падлеткаў”.
Падчас сустрэчы бацькі даведаліся пра асаблівасці падлеткавага ўзросту, абмеркавалі актуальныя пытанні дзіцяча-бацькоўскіх адносін, атрымалі карысныя парады па канструктыўным узаемадзеянні са сваімі дзецьмі, прайшлі анкетаванне, маглі пазнаёміцца з выказваннямі вялікіх і вядомых людзей, якія матывуюць да актыўнай жыццёвай пазіцыі, наогул, правялі час з карысцю!
На прыканцы мерапрыемства былі падведзены вынікі, а таксама раздадзены буклеты “Як дапамагчы дзіцяці ставіць і дасягаць мэты”.
Сустрэча атрымалася жывой і цікавай. Дзякуем бацькам за актыўную пазіцыю.
Верым, што школа і сям’я – гэта два сацыяльныя інстытуты, якія разам сфарміруюць асобу паспяховага дзіцяці.
