Канспект занятку па развіццю маўлення і культуры маўленчых зносін у рознаўзроставай групе (4-6 гадоў)
Тэма: “У краіне бытавой тэхнікі”
4-5 г.
-Пашыраць актыўны слоўнік дзяцей рознымі часцінамі мовы;
- фарміраваць уменне ужываць розныя тыпы сказаў;
- фарміраваць уменне апісваць прадмет па схеме;
-засваенне правільнага вымаўлення зычных гукаў: [Дз], [Дж], [Р];
-Развіваць артыкуляцыйны і галасавы апарат, псіхічныя працэссы;
-Выхоўваць беражлівыя адносіны ды прадметаў матэрыяльнай культуры, садзейнічаць фарміраванню навыкаў бяспечных паводзін пры звароце з прадметамі бытавой тэхнікі.
5-6 г.
-Узбагачаць слоўнік на аснове паглыблення ведаў пра прадметы і з’явы навакольнага свету;
- фарміраваць уменне выкарыстоўваць у маўленні розныя тыпы сказаў;
- фарміраваць разуменне некаторых адносін паміж словамі: антаніміі;
-замацаваць правільнае вымаўленне гукаў роднай мовы;
-Развіваць артыкуляцыйны і галасавы апарат, псіхічныя працэссы;
-Выхоўваць беражлівыя адносіны ды прадметаў матэрыяльнай культуры, садзейнічаць фарміраванню навыкаў бяспечных паводзін пры звароце з прадметамі бытавой тэхнікі.
Матэрыял:
Карткі з электрапрыборамі, мяч для гульняў.
Метадычныя прыёмы:
Сюрпрызны момант, мастацкае слова,гульнявыя прыёмы, індывідуальная праца.
Ход занятку:
1. Арг.момант:
Добры дзень, хлопчыкі і дзяўчынкі, пачнем наш занятак з добрых слоў. Паглядзіце адзін на аднаго, усміхніцеся і пажадайце добрай раніцы. А цяпер пашлем ўсмешку і пажаданне добрай раніцы нашым гасцям.
Выхавальнік: Сёння нас чакае незвычайнае падарожжа, у якім мы даведаемся шмат цікавага. Будзем з вамі шмат гаварыць,выконваць розныя заданні.І каб нам было крышку лягчэй давайце патрэніруем наш язычок.
2. Артыкуляцыйная гімнастыка мовы.
- Дадайце слова.
- Нашы вочы ўважліва ...(глядзяць, нашы вушы ўважліва ...(слухаюць, наш язычок правільна і прыгожа (кажа). А для гэтага мы яго патрэніруем:
“Гадзінічкі”
Мэта: развіццё артыкуляцыйнай маторыкі.
Рот адкрыты. Высунуць востры язычок наперад і працаваць ім злева направа, з аднаго кута рота ў іншы « "Цік-Так, цік-так". (5-6 разоў).
Мы сёння з вамі адправімся ў горад бытавой тэхнікі.
Як вы думаеце, хто жыве ў гэтым горадзе? (адказы дзяцей)
Я адкрыю вам сакрэт, што мы не выпадкова адпраўляемся ў гэты горад. Там сапраўды нешта адбылося: усе прыборы не працуюць. Калі мы зможам разабрацца у чым справа, выканаць усе заданні, якія нам сустрэнуцца ў падарожжы, прыборы зноў запрацуюць. Гатовыя адправіцца ў падарожжа? (адказы дзяцей).
І адправімся мы ў горад бытавой тэхнікі на самалеце.
Выхавальнік: Вось мы і ў горадзе бытавой тэхнікі.
Першае месца, куды мы трапляем-Салон чысціні. Але вось зразумець, якія тут знаходзяцца электрапрыборы, я не магу. Усе прыборы хтосьці пераблытаў мабыць, таму яны і не працуюць. Калі мы зможам іх назваць і сказаць для чаго яны патрэбныя, то пачнём дапамагаць людзям.
Заданне 1. Гульня " Якія прыборы схаваліся на малюнку»
Пральная машына-сцірае бялізну.
Прас-гладзіць бялізну.
Пыласос-збірае смецце.
Тэлевізар- гэта прыбор для перадачы навін.
Лямпа-дае свет, асвятляе кнігу, іншыя прадметы.
Швейная машына – шыюць адзенне.
Электрачайнік - для кіпячэння вады.
Выхавальнік: Малайцы! Справіліся з гэтым заданнем.Садімся ў самалёт і адпраўляемся далей.
Заданне 2. Нас запрашае рэстаран "Апетытны". Як вы думаеце, хто тут працуе? (пліта, мікрахвалевая печ, электрачайнік, міксер, халадзільнік і інш.) Правільна, але ўсе гэтыя прыборы не працуюць, таму што страцілі свае пашпарты. Вы ведаеце, што такое пашпарт прыбора? (Гэта апісанне гэтага прадмета: знешні выгляд, дзеянні, правілы звароту). Вось у нас на стале ляжаць карткі электрапрыбораў, паспрабуйце па чарзе апісаць знешні выгляд, прызначэнне і як дапамагае чалавеку. Калі вы ўсё правільна зробіце, ён зноў зможа працаваць. Правільна апісаць прадмет вам дапаможа схема (дзеці па чарзе апісваюць прадметы).
Выхавальнік:
Вы выдатна папрацавалі. Малайцы! Пара адпачыць.
Фізкультхвілінка:
А зараз, дзеці, усталі,
Хутка рукі ўверх паднялі.
Пацягнуліся, сонцу ўсміхнуліся.
Промні засвяцілі-
Рукі апусцілі.
Павярнуліся ўлева,
Павярнуліся ўправа,
Ціха ўзяліся зноў за справу.
А зараз адпраўляемся далей.Сядаем у самалёты і паляцелі.Садзяцца на стулы.
Выхавальнік:
Заданне 3. А цяпер мы апынуліся ў забаўляльным цэнтры. Тут знаходзяцца электрапрыборы, якія дапамагаюць чалавеку не толькі працаваць, але і адпачываць. Толькі вось бяда, яны ўсё перасварыліся і таму не працуюць. Каб іх памірыць, трэба выканаць заданні і яны зноў будуць працаваць.
1) Гульня "Адзін-шмат" з мячом
Тэлевізар-тэлевізары
Магнітафон-магнітафоны
Пыласос-пыласосы
Люстра-люстры
Тэлефон-тэлефоны
Радыё-Радыё
Лямпа-лямпы
Кампутар-кампутары, камп'ютэры
Халадзільнік-халадзільнікі
Прас-прасы
Машына-Машыны
Пліта-пліты
Тэхніка-Тэхніка
Провад-правады
Разетка-разеткі.
2) Дзеці застаюцца на стулах. Праводзіцца гульня "Як гудзе прыбор?». Выхавальнік загадвае загадку, дзеці адгадваюць.
Пыл ўбачу-заварчу,
Завярчу і праглыну! (Пыласос)
Дзіця прамаўляе гук, які мы можам пачуць пры працы пыласоса (ДЖ)
У яе спачатку бялізну загружай,
Насып парашок і ў разетку уключай,
Праграму для мыцця задаць не забудзься,
А пасля ты можаш пайсці адпачыць. (Пральная машына)
Дзіця прамаўляе гукі, якія мы чуем пры працы пральнай машыны (Р), (У).
Пар пусціў дракон хвастаты і разгладзіў шалік мяты. (Прас)
Дзіця прамаўляе гукі, якія мы можам пачуць падчас працы праса (ПШ).
Жывуць там розныя прадукты,
Катлеты, гародніна і садавіна.
Смятана, вяршкі і каўбасы,
Сасіскі, малако і мяса. (Халадзільнік)
Дзіця прамаўляе гукі, якія мы можам пачуць падчас працы халадзільніка (ДЗ)
3) Дзеці устаюць у круг.
Гульня з мячом " Скажы наадварот»
Выхавальнік кідае па чарзе дзецям мяч і просіць скончыць сказ.
Электрапрыбор бывае гарачы, а бывае…(халодны)
Электрапрыбор бывае чысты, а бывае…(брудны)
Электрапрыбор бывае маленькі, а бывае…(вялікі)
Электрапрыбор бывае стары, а бывае…(новы)
Электрапрыбор можа працаваць гучна, а можа…(ціха)
Электрапрыбор бывае высокі, а бывае…(нізкі)
Электрапрыбор бывае цяжкі, а бывае … (лёгкі)
Электрапрыбор можна ўключаць, а можна…(выключаць)
Выхавальнік:
Заданне 4. Мы з вамі навялі парадак у горадзе бытавой тэхнікі, пара вяртацца. Але наш самалёт не можа ляцець,мабыць ён зламаўся.Каб пачыніць наш самалёт,патрэбна расказаць правілы карыстання электрапрыборамі. Калі мы іх правільна назавем, зможам вярнуцца ў дзіцячы сад. (Дзеці называюць).
Давайце ўсе разам замацуем Правілы карыстання электрапрыборамі:
1. Усе электрапрыборы трэба ўключаць і выключаць спецыяльным выключальнікам.
2. Большасць электрапрыбораў нельга пакідаць уключанымі ў разетку, калі ў хаце нікога няма.
3. Можна ўключаць электрапрыборы толькі ў спраўныя разеткі,
калі разетка іскрыць, карыстацца ёй-нельга! Можа ўзнікнуць пажар.
4. Галоўнае правіла для дзяцей: нельга ўключаць электрапрыборы без дазволу дарослых і ў іх адсутнасць. Гэта вельмі небяспечна для вашай жыцця і здароўя.
5. Нельга ўстаўляць у разеткі староннія прадметы, можа ўдарыць токам.
Вось гэтыя ўсе правілы вы павінны добра выконваць і нагадваць сваім бацькам.
Выхавальнік: Адпраўляемся зноў у дзіцячы сад.
Рэфлексія:
- Дзе мы сёння былі?
- Аб чым сёння гаварылі?
-Што запомнілася больш за ўсё?
-Што было самым цікавым?
